پاکستان میں کورونا وائرس سے آج مزید 75 افراد جان کی بازی ہار گئے ، جس کے بعد اموات کی تعداد 4821 ہوگئی جبکہ متاثرہ مریضوں کی تعداد 233740 ہوگئی ہے۔

تفصیلات کےمطابق آج سندھ میں ایک ہی دن میں کورونا سے 46 افراد جاں بحق ہوئے، پنجاب میں کورونا سے 13 ، خیبرپختونخوا میں کورونا سے 10 ، گلگت بلتستان میں کورونا سے 2 ، بلوچستان میں کورونا سے 1 جبکہ اسلام آباد میں بھی 3 اموات ہوئی جس کے بعد ملک بھر کورونا وائرس سے جاں بحق افراد کی مجموعی تعداد 4821 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 1572 ، بلوچستان میں 124 ، خیبرپختونخوا میں 1038 ، آزاد کشمیر میں 36 ، اسلام آباد میں 137 ، گلگت بلتستان میں 30 ، پنجاب میں 1884 افراد جان کی بازی ہار چکے ہیں۔

یاد رہے اس سے قبل محکمہ صحت سندھ نے اپنے ایک بیان میں کہا کہ سندھ میں کورونا وائرس سے آج 46 مریض دم توڑ گئے، جس کے بعد صوبے بھر میں اموات کی مجموعی تعداد 1572 ہوگئی جبکہ پنجاب میں بھی آج 13 مریض دم توڑ گئے، جس کے بعد صوبے بھر میں اموات کی مجموعی تعداد 1884 ہوگئی ہے۔

کورونا سے مزید 65 افراد جاں بحق، 3750 افراد میں تشخیص

دریں اثناء محکمہ اطلاعات خیبرپختونخوا نے اپنے ایک بیان میں کہا کہ خیبر پختونخوا میں آج مزید 10 متاثرہ افراد جان کی بازی ہار گئے جس کے بعد صوبے میں اموات کی تعداد 1038 تک پہنچ گئی ہے ۔

واضح رہے کہ ملک میں کورونا وائرس کے آج مزید 2653 افراد میں مہلک وائرس کی تشخیص ہوئی جن میں سندھ سے 1708 ، اسلام آباد میں 85 ، پنجاب میں 646 ، گلگت بلتستان میں 26 جبکہ خیبرپختونخوا میں 120 ، بلوچستان میں 27 اور آزاد کشمیر میں 41 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 233740 تک پہنچ گئی ہے۔