وفاقی وزیر غذائی تحفظ و تحقیق سید فخر امام نے کہا ہے کہ ملک بھر میں ٹڈی دل سے نمٹنے کے لئے تمام تر وسائل استعمال کئے جارہے ہیں۔

تفصیلات کے مطابق وفاقی وزیر غذائی تحفظ و تحقیق سید فخر امام نے اسلام آباد میں میڈیا بریفنگ کرتے ہوئے بتایا کہ وفاقی اور صوبائی سطح پر مربوط حکمت عملی کے تحت اقدامات کیے گئے ہیں کیونکہ آنے والے دنوں میں ٹڈی دل کے نئے حملے کا خدشہ ہے۔

انہوں نے بتایا کہ ملک بھر میں 26.33 لاکھ ایکڑ پر کنٹرول آپریشن کیا جا چکا ہے ۔

 اس سے قبل وفاقی وزیر فخر امام کی زیر صدارت این ایل سی سی کا اجلاس ہوا تھا جس میں ان کا کہنا تھا کہ ابھی صومالیہ کی طرف ٹڈی دل کا رخ ہے کیونکہ موسمی تبدیلی کی وجہ سے ٹڈی دل کو متاثر کرتی ہے۔

انہوں نے بتایا کہ ٹڈی دل کے حوالے سے وفاق، صوبے، ضلع اور مواضات مشترکہ طور پر کام کر رہے ہیں۔

ان کا کہنا تھا کہ ملک بھر میں 33۔26 لاکھ ایکڑ پر کنٹرول آپریشن کیا جا چکا ہے، اضلاع کے متاثرہ علاقوں میں 1031 ٹیمیں مہم میں حصہ لے رہی ہیں –