حکومتی اعلان کے بعد اسلام آباد، وفاقی دارلحکومت کی مارکیٹوں کی رونقیں بحال ہو گئیں ہیں۔

تفصیلات کے مطابق وفاقی دارلحکومت میں کورونا پابندیاں ختم ہوگئی ہیں جس کے بعد لوگوں کی بڑی تعداد مارکیٹ میں خریداری کیلئے موجود عام عوام ہوں یا کاروباری طبقہ حکومتی اقدام سے سبھی خوش نظر آرہے ہیں۔

حکومت کی جانب سے تمام ریسٹورینٹس، ڈائن ان، کیفے، بیوٹی پارلر اور حجام کھولنے کی اجازت دی گئی ہے اور اب حکومتی احکامات کے بعد پورا ہفتہ دکانیں معمول کے مطابق کھلی رہیں گی۔

ملک بھر میں لاک ڈاؤن کھولنے کے حوالے سے حکومتی اہم فیصلے

ذرائع کا کہنا ہے کہ پابندیاں ہٹانے نوٹیفکیشن کچھ دیر میں جاری کیا جائے گا۔

یاد رہے کہ گزشتہ روز وفاقی وزیر برائے منصوبہ بندی نے رابطہ کمیٹی اجلاس کے بعد میڈیا بریفنگ میں بتایا کہ سیاحتی مقامات آٹھ اگست سے کھول دیئے جائیں گے تاہم تعلیمی ادارے اور شادی ہالز پندرہ ستمبر کو ہی کھولے جائیں گے۔

وفاقی وزیر اسد عمر کا کہنا ہے کہ حکومت کا ملک بھر میں کاروباری، تعلیمی، سیاحتی اور تفریحی سرگرمیوں کی بحالی سے متعلق اہم فیصلہ کیا گیا ہے۔

کورونا وبا کے باعث ملک بھر میں بند سینما، تھیٹرز، تفریحی پارکس، میوزیم اور بیوٹی پارلرز دس اگست سے کھولنے کا اعلان کردیا۔

پریس کانفرنس میں انہوں نے بتایا ہے کہ کاروباری اوقات کار محدود کرنے کی پابندی  بھی ختم کر دی گئی ہے۔

صورتحال بہتر رہی تو یہ لاک ڈاؤن آخری ہوگا

انہوں نے کہا ہے کہ پندرہ ستمبر سے ٹرانسپورٹرز کو بھی بکنگ کرنے کی اجازت دی گئی ہے۔

رابطہ کمیٹی اجلاس کے بعد میڈیا بریفنگ میں وفاقی وزیر برائے منصوبہ بندی اسد عمر نے بتایا کہ اسپورٹس سرگرمیاں بھی بحال کر دی جائیں گی تاہم تماشائیوں کو میدان میں جانے کی اجازت نہیں ہوگی، اس کے علاوہ ایسے تمام کھیلوں پر بھی پابندی ہوگی جس میں جسمانی ٹکراؤ ہوتا ہے۔