پاکستان میں آج کورونا وائرس کے مزید 596 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 294041 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 596 افراد میں مہلک وائرس کی تشخیص ہوئی جن میں سندھ سے 220 ، خیبرپختونخوا میں 35 ،  بلوچستان میں 104، پنجاب میں 213 ، آزاد کشمیر 8 جبکہ اسلام آباد میں 16 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 128676 ، بلوچستان میں 12631 ، خیبرپختونخوا میں 35831 ،اسلام آباد میں 15531 ، گلگت بلتستان میں 2725 ، پنجاب 96931 اور آزاد کشمیر میں 2256 مریض موجود ہے۔

یاد رہے اس سے قبل ترجمان محکمہ صحت سندھ کے جاری اعداد و شمار کے مطابق سندھ بھر میں 220 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 128676 ہوگئی ہے۔

مزید پڑھیں

پاکستان میں آج مزید 352 افراد میں وائرس کی تشخیص

پاکستان میں کورونا وائرس کے مزید 352 افراد میں مہلک وائرس کی...

دوسری جانب آزاد کشمیر میں 8 افراد میں کوروناوائرس کی تصدیق ہو ئی جس کے بعد صوبے بھر میں کورونا وائرس کے کل کیسز کی تعداد 2256 ہوگئی ہے۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 213 کیسز کی تصدیق ہوئی ہے جس کے بعد صوبے بھر میں مجموعی تعداد 96931 ہوگئی جبکہ اسلام آباد میں 16 افراد میں کوروناوائرس کی تصدیق ہو ئی جس کے بعد صوبے بھر میں کورونا وائرس کے کل کیسز کی تعداد 15531 ہوگئی ہے۔