‎پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب جب بات کرتے ہیں اپنی طرح چھوٹی بات کرتے ہیں۔

تفصیلات کے مطابق پاکستان مسلم لیگ (ن) کی ترجمان مریم اورنگزیب نے وزیراعظم عمران خان کی پارلیمنٹ کی تقریر پر ردعمل دیتے ہوئے کہا ہے کہ گزشتہ روز پارلیمان میں وزیراعظم کی گفتگو کنٹینروالی چھوٹی ذہنیت اور دماغ کی گندگی کی عکاسی ہے۔

مریم کا کہنا تھا کہ کسی کے والد کے بارے میں گھٹیا بات آپ جیسا شخص ہی کر سکتا ہے جبکہ ہمیں دوسروں کے والدین کی عزت کرنا سکھایا گیا ہے اور کس کے والد کون تھے؟ کیا تھے؟ یہ بھی پورا پاکستان جانتا ہے۔

‎انہوں نے کہا ہے کہ میاں شریف جیسے باکردار، سچے اور محنتی شخص کے بارے میں گھٹیا بات کرنے سے پہلے اپنے گریبان میں جھانکیں کیونکہ میاں شریف محنت وعظمت اور شرافت کا روشن کردار رہے ہیں۔

‎ انہوں نے بتایا کہ میاں شریف کا شمار 1940 میں اس خطے کے امیر ترین صنعتکاروں میں ہوتا تھا۔