رکن سندھ اسمبلی جمال صدیقی نے کہا ہے کہ ننھی ماورا پر ظلم ڈھانے والے کسی حیوان سے کم نہیں۔

تفصیلات کے مطابق 5 سالہ ماورا کی المناک موت کا واقعہ پررکن سندھ اسمبلی جمال صدیقی نے یونیورسٹی روڈ پر جاری احتجاجی مظاہرے میں شرکت کی اور ایس ایس پی انویسٹیگیشن سے تمام واقعے کی تفصیلات لیں۔

اپنے بیان میں رکن سندھ اسمبلی نے کہا کہ ننھی ماورا کے ساتھ پیش آنے والا واقع انتہائی افسوسناک ہے۔

جمال صدیقی نے یہ بھی کہا کہ پولیس ملزمان کیخلاف فوری کاروائی عمل میں لائے، پولیس تحقیقات کا دائرہ وسیع کرتے ہوئے ملزمان کی شناخت کرے۔

رکن سندھ اسمبلی جمال صدیقی نے مزید کہا کہ بچی کے اہل خانہ کو انصاف کی فراہمی میں ہر ممکن تعاون کا یقین دلاتے ہیں۔

ایس ایس پی انویسٹیگیشن جنید شیخ نے کہا کہ گرفتار مشکوک شخص کا ڈی این اے کروالیا گیا ہے، آئندہ 24 گھنٹوں میں رپورٹ موصول کرلی جائیگی جبکہ واقع میں ملوث ملزم کو بھی جلد کیف کردار تک پہنچائیں گے۔

مزید پڑھیں

کراچی:خالی پلاٹ سے 5 سالہ بچی کی بوری بند لاش برآمد

کراچی کے علاقے پیر بخاری کالونی میں ایک خالی پلاٹ سے 5...

یاد رہے اس سے قبل کراچی کے علاقے پیر بخاری کالونی میں ایک خالی پلاٹ سے 5 سالہ کی بچی کی بوری بند لاش برآمد ہوئی تھی۔

بچی کی شناخت 5 سالہ مروہ کے نام سے ہوئی ہے، مروہ کی گمشدگی کا مقدمہ بچی کے والد عمر صادق کی مدعیت میں پی آئی بی کالونی میں درج ہے۔

بچی کے والدعمر صادق نے بتایا تھا کہ بچی گزشتہ روز صبح گھر سے چیز لینے کے لیے نکلی اور لاپتہ ہو گئی تھی جبکہ  علاقہ مکینوں کا کہنا تھا کہ لاش علاقے میں واقع ایک بڑے خالی پلاٹ میں کچرا کنڈی سے ملی تھی، بچی کی لاش کی حالت انتہائی خراب تھی بظاہر لگتا تھا کہ بچی کو جلایا گیا ہے۔

پولیس کا کہنا تھا کہ حراست میں لیے گئے شخص سے تفتیش کی جارہی ہے، حراست میں لیا گیا شخص بچی کے قتل میں ملوث ہے یا نہیں اس کی تفتیش کی جارہی ہے، تفتیش کی تفصیلات میڈیا سے جلد شیئر کی جائیں گی۔