معاون خصوصی ڈاکٹر شہباز گل نے کہا ہے کہ وزیر اعظم عمران خان باقاعدگی سے ٹیکس ادا کرتے ہیں اور فائلر ہیں۔

تفصیلات کے مطابق سماجی رابطے کی ویب سائٹ پر اپنے ایک پیغام میں معاون خصوصی ڈاکٹر شہباز گل نے کہا ہے کہ اقتدار میں آنے سے پہلے وزیراعظم کی کوئی مستقل آمدنی نہیں تھی۔

Prime Minister Imran Khan is regular tax payer and a filer. As he did not have a fix regular income before becoming PM therefore his tax every year differs depending on income generated that year. If previous 3 years tax paid amount is taken together it comes to 9,922,053/-

— Dr. Shahbaz GiLL (@SHABAZGIL) September 19, 2020

ڈاکٹر شہباز گل نے کہا ہے کہ پچھلے 3 سال ٹیکس کی رقم جمع کی جائے تو وہ 99 لاکھ 22 ہزار53 روپے ہوگی۔

انہوں نے بتایا ہے کہ وزیراعظم کے جو بھی اثاثے ہیں وہ سب ویلتھ اسٹیٹمنٹ میں درج ہیں اور اثاثوں کی تفصیلات قومی اسمبلی ویب سائٹ پر دستیاب ہیں۔

مزید پڑھیں

کس سیاست دان نے کتنا ٹیکس ادا کیا، تفصیلات سامنے آگئیں

ایف بی آرنے2018 میں ارکان پارلیمنٹ کی ٹیکس تفصیلات جاری کردیں۔ ایف...

ان کا مزید کہنا تھا کہ عمران خان پہلے ہی اپنی منی ٹریل، ایک ایک پائی کی قانونی حیثیت ثابت کرچکے ہیں جس کی وجہ سے سپریم کورٹ نے عمران خان کو صادق اورامین قراردیا تھا۔

یاد رہے کہ ایف بی آر نے2018 میں ارکان پارلیمنٹ کی ٹیکس تفصیلات جاری کردیں گئیں تھیں۔

ایف بی آر  کی جاری کردہ تفصیلات کے مطابق  وزیراعظم عمران خان نے سال 2018  میں 2لاکھ82ہزار449روپےٹیکس ادا کیا۔