کے الیکٹرک پر ہونے والے سائبر اٹیک پر ہیکر کی جانب سے کے الیکٹرک کو دی گئی ڈیڈ لائن آج ختم ہو جائے گی۔

تفصیلات کے مطابق کے الیکٹرک پر ہونے والے سائبر اٹیک پر ہیکر کی جانب سے تعاون وصول کرنے کے لئے 28 ستمبر کی ڈیڈ لائن دی گئی تھی جو کہ آج ختم ہوجائے گی۔

ہیکرز کی جانب سے کے الیکٹرک کو دھمکی دی  گئی ہے کہ مطالبہ پر عمل درآمد نہ ہونے کی صورت میں  دستاویزات پبلک کر دیں گے۔

علاوہ ازیں کے الیکٹرک کی خفیہ ای میلز، اوور بلنگ کے ثبوت پبلک کر دیئے جائیں گے۔

مزید پڑھیں

کے الیکٹرک کا آئی ٹی سسٹم ہیک!

کراچی کو بجلی سپلائی کرنے والا ادارہ، کے الیکٹرک کا آئی ٹی...

یاد رہے کہ کے الیکٹرک کا سسٹم 15دن سے ہیک ہے جس پر ہیکر نے پہلے 15ستمبرکی ڈیڈلائن دی تھی جس کے بعد ہیکر نے ڈیڈلائن 28 ستمبر تک بڑھادی تھی۔

ہیکر نے کے الیکٹرک کو مبینہ طورپر 38 ملین ڈالرکا مطالبہ کیا تھا جبکہ ہیکرنے مطلوبہ رقم نہ ملنے کی صورت میں ڈیٹالیک کرنے کی دھمکی دے رکھی ہے۔

مزید پڑھیں

کے الیکٹرک سسٹم ہیک کرنے کا معاملہ، سائبر کرائم سے رابطہ

کے الیکٹرک کے آئی ٹی سسٹم کو ہیک کرنے کے معاملے پر...

خیال رہے کہ آئی ٹی سسٹم پر سات ستمبر کو سائبر حملہ ہوا تھا، سائبر اٹیک کے باعث کے الیکٹرک کا نظام تا حال مفلوج ہے۔

ہیک ہونے کے باعث بینکوں سے رابطے سمیت انٹرنل کمیونیکیشن، کے الیکٹرک کا ای میل نظام، سیپ بھی بند ہیں، اس ضمن میں کے الیکڑک کا آئی ٹی ڈپارٹمنٹ سسٹم بحال کرنے میں نا کام ثابت ہوا ہے۔