نیب کی جانب سے نواز شریف کے اثاثوں کی چھان بین کیلئے دائرہ کار وسیع کردیا گیا ہے جس کے بعد سابق وزیراعظم نواز شریف کی مشکلات میں اضافہ ہوگیا ہے۔
تفصیلات کے مطابق نیب کی جانب سے نواز شریف کی پراپرٹیز، گاڑیوں ، بنک اکاونٹس سے متعلق تفصیلات طلب کرلی گئی ہیں۔
اس ضمن میں ذرائع کا کہنا ہے کہ نیب نے تفصیلات ایل ڈی اے، ڈپٹی کمشنر لاہور، ایکسائز ڈیپارٹمنٹ،نجی بنک سے مانگی گئی ہیں جبکہ سابق وزیراعظم کی لاہور میں 1550 کنال سے زائد اراضی کی دستاویز فراہم کرنے کیلئے نیب کا ایل ڈی اے سے رابطہ کیا گیا ہے۔
ذرائع نے بتایا ہے کہ نواز شریف کے زیر استعمال مرسیڈیز، لینڈ کروزر، دو ٹریکٹرزکا بھی ریکادڈ طلب کیا گیا ہے اور اس کے ساتھ ہی ساتھ لاہور کے نجی بینک میں سابق وزیراعظم کے نام ملکی اور غیر ملکی اکاونٹ کا بھی ریکارڈ لینے کا فیصلہ کیا گیا ہے۔
یاد رہے کہ نیب احتساب عدالت کے احکامات کی روشنی میں توشہ خانہ ریفرنس میں تحقیقات کر رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News