شاہد خاقان عباسی کا کہنا ہے کہ نیب صرف سیاستدانوں کے خلاف کیسز بنا رہا ہے۔
تفصیلات کے مطابق مسلم لیگ ن کے سینئر رہنما اور سابق وزیراعظم شاہد خاقان عباسی نے کہا کہ قومی احتساب بیورو (نیب) نے لوگوں کی زندگیاں تباہ اور ملک کو مفلوج کر دیا ہے۔
انھوں نے کہا کہ حکومت نے بدنیتی پر مبنی بل پاس کرائے جن کا فنانسشل ایکشن ٹاسک فورس (فیٹف) سے کوئی تعلق نہیں ہے، بل میں حکومت کسی کا بھی کمپیوٹر ہیک کرسکتی ہے۔
رہنما ن لیگ کا کہناہے کہ ہماری روایات کچھ قانون سے ہٹ کر بن گئی ہیں، آخری بل میں ہماری 20 ترامیم تھیں۔
شاہد خاقان عباسی کا کہنا ہے کہ نواز شریف نے دھواں دار تقریر نہیں کی مسائل بیان کیے ہیں، حکومت کیسے آئی سب کو پتہ چل گیا ہے۔
لیگ ن کے سینئر رہنما نے مزید کہا کہ گلگت بلتستان کو صوبہ بنانا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News