افغان مفاہمتی کونسل کے سربراہ کے دورہ پاکستان کی تاریخیں طے پاگئیں


انور عباس رپورٹر

27th September, 2020
عبداللہ

افغان مفاہمتی کونسل کے سربراہ عبداللہ عبداللہ کے دورہ پاکستان کی تاریخیں طے پاگئیں ہیں۔

دورہ پاکستان میں عبداللہ عبداللہ وزیر اعظم عمران خان، وزیر خارجہ شاہ محمود قریشی، خصوصی برائے افغانستان ایمبیسڈر صادق خان سمیت دیگر اعلی سیاسی و عسکری حکام سے ملاقاتیں کریں گے۔

سفارتی ذرائع کے مطابق عبداللہ عبداللہ 28 اور 29 ستمبر کو پاکستان کا دو روزہ دورہ کریں گے، اپنے دورہ پاکستان میں عبداللہ عبداللہ وزیر اعظم عمران خان، وزیر خارجہ شاہ محمود قریشی، خصوصی برائے افغانستان ایمبیسڈر صادق خان سمیت دیگر اعلی حکام سے ملاقاتیں کریں گے وہ دفتر خارجہ کا بھی دورہ کریں گے۔

اسپیکر قومی اسمبلی اسد قیصر کی جانب سے عبداللہ عبداللہ کو ظہرانہ بھی دیا جائے گا جس کا انعقاد پارلیمنٹ ہاوس میں ہوگا، دورہ پاکستان میں عبداللہ عبداللہ انسٹیٹئوٹ آف اسٹریٹجک اسٹڈیز میں خطاب بھی کریں گے جو کہ 29 ستمبر کو ہوگا۔