کراچی شہر میں ٹریفک حادثات میں خطرناک حد تک اضافہ دیکھا جارہا ہے، رواں ماہ کے تٸیس 23 روز کے دوران 47 افراد مختلف حادثات میں قیمتی جانیں گنوا بیٹھے ہیں۔

شہر قاٸد میں ٹریفک قوانین کی سراسر خلاف ورزی کرتے ہوۓ ہیوی ٹریفک دن رات سڑکوں شاہراہوں پر موت بانٹنے لگے ہیں کیونکہ ہیوی ٹریفک مقررہ اوقات کے علاوہ دن دھاڑے شہر کی سڑکوں پر جان لیوا حادثات کا سبب بن رہے ہیں۔

رواں ماہ کے گزشتہ 23 دنوں میں 47 افراد مختلف حادثات میں جان کی بازی ہار چکے ہیں۔ محکمہ فیٹل ایکسیڈینٹ کی نو ماں کی رپورٹ کے مطابق کراچی شہر میں جان لیوا حادثات میں سے ستر فیصد ہیوی ٹرانسپورٹ کی دن بھر بے ہنگم آمدورفت کے باعث رونما ہوۓ۔

ان حادثات میں جاں بحق ہونے والوں میں خواتین اور بچوں کی بھی واضع تعداد شامل ہے۔

رپورٹ کے مطابق یکم جنوری سے بیس ستمبر تک مجموععی طور پر 144 افراد مختلف حادثات میں جاں بحق ہوۓ،جس میں سے ضلع غربی میں سب سے زیادہ حادثات کے واقعات رپورٹ ہوۓ۔

محکمہ فیٹل ایکسیڈینٹس کی رپورٹ کے مطابق سب سے زیادہ حادثات کنٹینر ٹرالر اور ٹینکرز کی زد میں آکر رونما ہوۓ۔

واضع  رہے کہ محکمہ فیٹل ایکسیڈینٹ میں صرف مقدمات درج ہونے والے ایکسیڈینٹ کیسسز کا ہی اندارج کیا جاتا ہے، جبکہ دیگر حادثات کی تعداد اس سے کہیں زیادہ ہے۔ رپورٹ کے مطابق سب سے کم حادثات ڈسٹرک سٹی میں رپورٹ کراۓ گۓ، جبکہ شہر میں روزانہ اوسطً تین افراد مختف حادثات میں جاں بحق اور چالیس سے پچاس افراد زخمئ ہوتے ہیں۔