قومی احتساب بیورو (نیب) خیبر پختونخواہ کی جانب سے ایک اہم کارروائی کی گئی ہے۔

تفصیلات کے مطابق خیبرپختونخواہ نیب کی جانب سے کی گئی کارروائی میں سربراہ جمعیت علمائے اسلام پاکستان مولانا فضل الرحمن کے قریبی ساتھی کو حراست میں لے لیا گیا ہے۔

اس ضمن میں ذرائع کا کہنا ہے کہ سربراہ جمعیت علمائے اسلام پاکستان مولانا فضل الرحمن کے قریبی ساتھی موسی سابق ڈسٹرکٹ فاریسٹ افسر بھی رہ چکے ہیں۔

مزید پڑھیں

مولانا فضل الرحمان نیب میں طلب کرلیئے گئے

جمعیت علمائے اسلام (جے یو آئی) کے سربراہ مولانا فضل الرحمان کو...

ذرائع نے بتایا ہے کہ نیب کی جانب سے موسی پر آمدن سے ذائد اثاثوں، بلین ٹری پروجیکٹ میں کرپشن اور ناجائز بھرتیوں کے الزامات ہیں۔

یاد رہے کہ نیب کے پی نے آمدن سے ذائد اثاثہ جات کیس میں تیس ستمبر کو مولانا فضل الرحمن کو طلب کررکھا ہے۔

نیب کی جانب سے جے یو آئی کے سربراہ مولانا فضل الرحمان کو یکم اکتوبر کو نیب خیبر پختونخوا سامنے پیش ہونے کی ہدایت کی گئی ہے، اس ضمن میں نوٹس بھی جاری کردیا گیا ہے۔

مولانا فضل الرحمان کی نیب طلبی کے حوالے سے نوٹس میں نیب حکام کا کہنا ہے کہ مولانا صاحب پر مالی بدعنوانیوں کے الزامات ہیں۔

جاری کردہ نوٹس کے مطابق نیب کی جانب سے مولانا فضل الرحمان سے کہا گیا ہے کہ وہ آمدن سے زائد اثاثہ جات کے ثبوت دیں۔

نوٹس میں واضح کیا گیا ہے کہ مولانا فضل الرحمان کے پیش نہ ہونے پر نیب قانون کے تحت کاروائی ہوگی۔

خیال رہے کہ گزشتہ دنوں اپوزیشن کی آل پارٹیز کانفرنس اسلام آباد کے زرداری ہاؤس میں ہوئی تھی جس میں مولانا فضل الرحمان بھی شریک ہوئے تھے۔