ملک بھر میں آج سے تیسرے مرحلے میں پرائمری اسکولز کھل گئے ہیں۔

تفصیلات کے مطابق عالمی وبا کورونا وائرس کے باعث چھ ماہ سے بند پرائمری اسکولز میں آج سے تدریسی سرگرمیوں کا آغاز ہوگیا ہے۔

پنجاب، سندھ اور خیبرپختونخوا میں نرسری سے پانچویں تک کے بچے آج اسکول گئے ہیں اور ایس او پیز کو مدنظر رکھ کر تعلیمی سرگرمیاں جاری ہیں۔

ذرائع کے مطابق بلوچستان حکومت نے احتیاطی تدابیر کی خاطر پرائمری اسکولز کھولنے کا فیصلہ مؤخر کر دیا ہے۔

تعلیمی اداروں میں کورونا سے بچاو کے احتیاطی تدابیر پر عمل لازمی ہوگا۔

صوبائی اور ضلعی مانیٹرنگ ٹیمیں ایس او پیز پر عمل درآمد یقینی بنائیں گی، ایس او پیز کی خلاف ورزی پر تعلیمی اداروں کو بند کیا جائے گا اور جرمانے بھی ہوں گی۔