گوجرانوالہ پی ڈی ایم کے جلسے میں آنیوالے اپوزیشن کے کارکنان اور پولیس میں گرما گرمی دیکھی گئی۔

تفصیلات کے مطابق گوجرانوالہ اپوزیشن جماعتوں کے کارکنوں کی پولیس کے ساتھ مزاحمت مرکزی دروازے پر ہوئی۔

کا رکنان نے شکایت کی ہے کہ ہمیں پولیس اہلکار جلسہ گاہ کے اندر جھنڈے لیکر نہیں آنے دے رہے۔

پاکستان ڈیموکریٹک موومنٹ(پی ڈی ایم)کے پلیٹ فارم سے پہلا پاور شو آج گوجرانوالہ میں ہوگا۔

 پی ڈی ایم کے سربراہ مولانا فضل الرحمٰن جامعہ اشرفیہ لاہور ، پیپلز پارٹی کے چیئرمین بلاول بھٹو زرداری کائرہ ہاؤس لالہ موسیٰ ، مسلم لیگ (ن) کی نائب صدر مریم نواز جاتی امراء سےریلی کی صورت میں گوجرانوالہ روانہ ہوں گے ۔

 جاتی امرا کے باہر ن لیگی کارکنوں کی بڑی تعداد پہنچنا شروع ہوگئی ہے اور بکروں کا صدقہ بھی دیا گیا ہے۔

جلسہ دوپہر تین بجے شروع ہوگا اور رات بارہ بجے تک اسے ختم کرنا ہوگا۔