وزیر اعظم عمران خان کا دورہ لاہور


شبین رضاویب ایڈیٹر

26th October, 2020

وزیر اعظم عمران خان بدھ کے روز ایک روزہ دورے پر لاہور آئیں گے۔

تفصیلات کے مطابق دورہ لاہو ر کے دوران وزیر اعلی پنجاب عثمان بزدار ،وزیر اعظم سے ملاقات کریں گے اورصوبے کے مختلف امور کے بارے میں وزیر اعظم کو بریف کریں گے۔

گورنر پنجاب چوہدری محمد سرور کی بھی وزیر اعظم سے ملاقات ہوگی۔

وزیراعظم گورنرہاوس میں بھی ایک اجلاس کی صدارت کریں گے

وزیر اعظم ایوان اقبال میں انصاف ڈاکٹرز فورم کی تقریب سے خطاب کریں گے ۔

وزیر اعظم ایوان وزیر اعلی میں مختلف اجلاسوں اور ہیلتھ کارڈ ز کے حوالے سے بھی ایک اجلاس کی صدارت کریں گے ۔

ذرائع کے مطابق دورے کے دوران  وزیر اعظم پارٹی میڈیا کے محاذ پر متحرک رہنماؤں سے بھی ملاقات کریں گے۔