ترکی کے وزیر دفاع کی جنرل قمر جاوید باجوہ سے ملاقات


شبین رضاویب ایڈیٹر

26th October, 2020

ترکی کے وزیر دفاع جنرل ہلسی اکیر کی آرمی چیف جنرل قمر جاوید باجوہ سے جی ایچ کیو میں ملاقات ہوئی۔

پاک فوج کے شعبہ تعلقات عامہ (آئی ایس پی آر)  کے مطابق ملاقات کے دوران باہمی دلچسپی کے امور اور پاک ترک دفاعی تعلقات، سیکیورٹی تعاون، خطے کی صورتحال پر تبادلہ خیال کیا گیا۔

آرمی چیف کا اس مو قع پر کہنا تھا کہ دونوں ممالک برادرانہ تعلقات کی عظیم تاریخ رکھتے ہیں جو پائیدار شراکت میں تبدیل ہو رہے ہیں۔

آئی ایس پی آر کے مطابق ترک وزیر دفاع نے خطے کے امن و استحکام کے لئے پاکستان کے کردار اور پاک فوج کی دہشت گردی سے نمٹنے کی کوششوں کو سراہا۔