دنیا بھر کے امن پسند متاثر ہورہے ہیں، مولانا طاہر اشرفی


عروبہ خانویب ایڈیٹر

26th October, 2020

وزیراعظم کے نمائندہ خصوصی برائے مذہبی امور مولانا طاہر اشرفی  کا کہنا ہے کہ فرانسیسی صدر کے بیان سے دنیا بھرکے امن پسند متاثر ہورہے ہیں۔

تفصیلات کے مطابق میڈیا سے گفتگو میں مولانا طاہر اشرفی نے کہا کہ چاہتے ہیں اقوام متحدہ کی سطح پرقانون سازی کی جائے اور ہماری کوشش ہے تمام مذاہب کے احترام کا قانون نافذ ہو۔

انہوں نے کہاکہ انتہاپسندی کےخاتمے کے لیے ہر فرد کو کردار ادا کرنا ہوگا جبکہ حکومت پاکستان کے مؤقف کو عالم اسلام میں سراہا جارہا ہے۔

ان کا کہنا تھا کہ ہم سب کے دل زخمی ہیں کیونکہ فرانس میں تسلسل کے ساتھ آپ صلی اللہ علیہ وسلم کی توہین کی جارہی ہے۔

طاہر اشرفی نے بتایا کہ  ہم نے آج چرچ اف پاکستان سے دنیا کو پیغام دیا ہے جبکہ وزیر اعظم پاکستان نے اقوام متحدہ میں یہ معاملہ اٹھایا  ہے کیونکہ وزیر اعظم نے کہا کہ لیڈر وہ نہیں ہوتا جو لوگوں کو لڑوائے۔