کورونا بحران میں خدمات سرانجام دینے والوں کو نشان پاکستان دینے کا فیصلہ کرلیا گیا۔

تفصیلات کے مطابق کورونا وبائی بحران  کے دوران خدمات سرانجام دینے والوں کو نشان پاکستان دینے کا فیصلہ کرلیا گیا ہے۔

نشان پاکستان صدر مملکت ڈاکٹر عارف علوی دیں گے۔

گورنر ہاؤس میں کورونا وال اور قرآن باغ کی تیاریاں بھی حتمی مراحل میں ہیں۔کورونا ہیرو وال اور قرآن باغ کا افتتاح 27 اکتوبر کو صدر مملکت کریں گے۔

افتتاحی تقریب میں تمام صوبوں کے گورنرز کو بھی دعوت دی جائے گی۔

اس تقریب میں کورونا بحران کے دوران خدمات سرانجام دینے والوں کو صدر مملکت نشان پاکستان کے اعزاز سے بھی نوازیں گے جبکہ  نشان پاکستان کا اعزاز حاصل کرنے والوں کے اعزاز میں عشائیہ بھی دیا جائے گا۔

کورونا ہیرو وال پر ان تمام افراد کے نام کندہ کیے جائیں گے جنہوں نے بحران میں خدمات سرانجام دیں۔

قرآن باغ میں وہ تمام پھل لگائے جائیں گے جن کا قرآن پاک میں ذکر  ہے۔

گورنر ہاوس کے عقب میں بننے والے باغ اور وال کے ساتھ سوینئر شاپ بھی تکمیل کے آخری مراحل میں ہے جبکہ  کیفے ٹیریا بھی بنایا جائے گا۔