حکومت مخالف جلسے اور قافلے نہیں رکیں گے سعد رفیق

حکومت مخالف جلسے اور قافلے نہیں رکیں گے

شبین رضا

14th Oct, 2020. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت مخالف جلسے اور قافلے نہیں رکیں گے

خواجہ سعد رفیق کا کہنا ہے کہ حکومت مخالف جلسے اور قافلے نہیں رکیں گے تاہم انتظامیہ نے اب تک جلسہ کرنے کی اجازت نہیں دی۔

تفصیلات کے مطابق مسلم لیگ ن کے رہنما خواجہ سعد رفیق احتساب عدالت لاہور میں پیرا گون ریفرنس سے متعلق کیس کے لیے عدالت میں پیش ہوئے اور اس مو قع پر میڈیا سے گفتگو کرتے ہو ئے ان کا کہنا تھا کہ وزیر اعظم عمران خان نے انتقام کے علاوہ کوئی دوسرا کام نہیں کیا۔

خواجہ سعد رفیق نے کہا کہ گوجرانوالہ جلسہ پی ڈی ایم کے رخ کا تعین کرے گا جبکہ ہم نے حکومت کو نہیں کہا کہ بغاوت کے مقدمے واپس لیں یہ مقدمے تو ہمارے لیے تمغے ہیں۔

ن لیگی رہنما نے کہا کہ کراچی کا جلسہ تاریخی ہو گا جس کی پیپلز پارٹی نے تیاری کر رکھی ہے، حزب اختلاف متحد ہو جائے تو حالات پہلے جیسے نہیں رہتے۔

انہوں نے کہا کہ جمہوریت کے نام پرعمران خان جیسی آمریت لے کرآئیں گے تو ملک آگے نہیں بڑھے گا ۔

خواجہ سعد رفیق نے مزید کہا کہ اپنا مؤقف پیش کرنا کون سا غیر قانونی کام ہے ؟ یہاں تو صورتحال یہ ہے کہ اگر آپ بات کریں گے تو دھر لیے جائیں گے تاہم یہ پہلی مرتبہ نہیں ہورہا۔