وزیراعظم عمران خان نے خبردار کرتے ہوئے کہا ہے کہ کشمیر کے معاملے پر برصغیر ہاٹ اسپاٹ ہے اور اس سلسلے میں شعلے کسی بھی وقت بھڑک سکتے ہیں۔

تفصیلات کے مطابق جرمن جریدے کو انٹرویو میں وزیراعظم عمران خان نے برصغیر کے لئے خطرے کے حوالے سے بات چیت کی ہے۔

ایک سوال کے جواب میں وزیراعظم نے کہا ہے کہ امریکا برابری کی سطح پر کشمیر کے مسئلے پر کردار ادا کرے۔

انہوں نے کہا کہ کشمیر پر امریکا سے دونوں ملکوں کے ساتھ یکساں پالیسی کی توقع ہے کیونکہ امریکا چین کی وجہ سے بھارت کو اہمیت دیتا ہے، بھارت پاکستان اور چین سمیت پڑوسیوں کے لیے بڑا خطرہ ہے۔

وزیراعظم نے واضح کیا کہ عمران خان نے کہا بھارت ایک فسطائی ریاست ہے اور مودی سرکاری انتہاپسند اور فاشست حکومت ہے۔

وزیراعظم عمران خان کی امریکی صدارتی انتخاب میں رائے عامہ کے مطابق ٹرمپ کے مدمقابل جوبائیڈن مقبول نظر آرہے ہیں کیونکہ امریکی صدر ٹرمپ غیر روایتی سیاستدان ہیں۔

وزیراعظم نے انٹرویو میں اپوزیشن پر بھی تنقید کرتے ہوئے کہا ہے کہ اپوزیشن کرپشن کیسز ختم کرانے کیلئے بلیک میل کرناچاہتی ہے لیکن میں ہر گز اپوزیشن کی بلیک میلنگ میں نہیں آؤں گا۔