معاون خصوصی شہباز گل نے مزید کہا کہ عوام اور جمہوریت کے پاسدار ہم ہیں اور وزیر اعظم عمران خان نے عوام کو ان کے حق کے لیے لڑنا سکھایا ہے۔
شہباز گل کا کہنا ہے کہ گزشتہ روز جلسے کے بعد مسلم لیگ ن سمیت پاکستان ڈیموکریٹک الائنس (پی ڈی ایم) کا جھوٹا پروپیگنڈا اپنے انجام کو پہنچا۔
تفصیلات کے مطابق وزیر اعظم عمران خان کے معاون خصوصی شہباز گل نے میڈیا سے گفتگو کرتے ہوئے کہا کہ معیشت کو دیوالیہ کرنے والی ن لیگ معیشت پر بھاشن بند کرے،پی ڈی ایم کا جھوٹا پروپیگنڈا اپنے انجام کو پہنچا۔
پی ڈی ایم کے رہنماؤں کو مخاطب کرتے ہوئے انہوں نے کہا کہ عوام آپ کو اور آپ کے ملک دشمن بیانیے کو مسترد کر چکی اور عوام کا سودا کرنے والے جعلی لیڈر آج مسیحائی کے دعویدار بن رہے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News