عید میلاد النبی، وفاقی حکومت نے عام تعطیل کا اعلان کردیا


عروبہ خانویب ایڈیٹر

26th October, 2020

عید میلاد النبی کے موقع پر وفاقی حکومت کی جانب سے عام تعطیل کا اعلان کردیا گیا ہے۔

تفصیلات کے مطابق عید میلاد النبی ( 12 ریبع اول ) بروز جمعہ ملک بھر میں حکومتی احکامات پر عام تعطیل کا اعلان کیا گیا ہے۔

وفاقی وزارت داخلہ نے بارہ ربیع اول بروز جمعہ سرکاری طور پر چھٹی کا نوٹیفکیشن جاری کر دیا ہے۔

یاد رہے کہ گزشتہ ہفتے سندھ حکومت نے 12 ربیع الاول کے موقع پر صوبے بھر میں عام تعطیل کا اعلان کردیا تھا۔

ذرائع کے مطابق سندھ حکومت کی جانب سے جاری نوٹیفکیشن کے مطابق  30 اکتوبر بروز جمعہ صوبے میں عام تعطیل ہوگی۔

واضح رہے کہ  ماہ ربیع الاول امت مسلمہ کے لیے خاص اہمیت کا حامل ہے کیونکہ اس مہینے نبی آخرالزماں ﷺ کی دنیا میں آمد ہوئی۔

پیغمبر اکرم صلی اللہ علیہ والہ وسلم پوری دنیا کے لیے عملی نمونہ بن کر آئے اور وہ ہر شعبے میں اس اوج کمال پر فائز ہیں کہ ان جیسا کوئی تھا اور نہ ہی قیامت تک آسکتا ہے۔