وزیراعثم عمران خان نے کہا ہے کہ ہماری نوجوان آبادی ملک کا اصل اثاثہ ہے اس لئے جدید شعبوں میں ان نوجوانوں کو سازگار ماحول فراہم کیا جائے۔
تفصیلات کے مطابق وزیرِ اعظم عمران خان کی زیر صدارت ملک میں انفارمیشن ٹیکناجی کے فروغ کے حوالے سے اجلاس منعقد کیا گیا۔
دوران اجلاس وزیراعظم کا کہنا تھا کہ انفارمیشن ٹیکنالوجی کے شعبے میں ملک کی نوجوان آبادی اورتعلیم یافتہ افراد میں بے پناہ صلاحیت موجود ہے اور موجودہ حکومت سرکاری سطح پر اس شعبے کی معاونت کے لیے پرعزم ہے اور اس ضمن میں ہر ممکنہ کوشش کی جائے گی۔
وزیراعظم کا کہنا تھا کہ انفارمیشن ٹیکنالوجی کے فروغ کے حوالے سے پیش کی جانے والی تجاویز کو عملی جامہ پہنانے کے حوالے سے مفصل حکمت عملی اور روڈ میپ تشکیل دیا جائے۔
وزیراعظم کا مزید کہنا تھا کہ ماضی میں انفارمیشن ٹیکنالوجی کے شعبےکو یکسر نظر انداز کیے جانے کے باوجود بھی ہمارے جوانوں نے اپنی صلاحیتیوں کا لوہا منوایا ہے۔
یاد رہے کہ اجلاس کے دوران آئی ٹی سیکٹر کے فروغ، گلوبل چِپ ڈیزائن انڈسٹری کے شعبے میں ملکی نوجوانوں کی استعدادِ کار کو برؤے کار لانے کے حوالے سے تجاویز اور اقدامات پر بات چیت کی گئی ہے۔
تاہم اجلاس میں صوبائی وزیر برائے ہائر ایجوکیشن پنجاب راجا یاسر ہمایوں، چئیرمین این آئی ٹی بی سید شباہت علی شاہ، عامر ہاشمی، وائس چانسلر آئی ٹی یو ڈاکٹر سرفراز خورشید، شباہت رفیق اور چئیرمین پی آئی ٹی بی اظفر منظور شریک رہیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News