پاکستان انٹرنیشنل ایئر لائن (پی آئی اے ) نے عید میلاد النبی ﷺپر خصوصی پیکج متعارف کروادیا ۔
تفصیلات کے مطابق پی آئی اے کی جانب سے جشن ولادت خاتم النبین ﷺپر حجاز مقدسہ کے سفر پر 12 فیصد خصوصی رعایت دینے اعلان کیا گیا ہے۔
ترجمان پی آئی اے کا کہنا ہے کہ یکم تا 12 ربیع الاول کے دوران جدہ اور مدینہ منورہ سفر پر 12 فیصد رعایت ہوگی۔ خصوصی رعایت کے ساتھ 12 کلو اضافی سامان لے کے جانے کی سہولت بھی مہیا کی جائے گی۔
ترجمان پی آئی اے کا کہنا ہے کہ پیکج جدہ اور مدنیہ منورہ جانے والے اور آنے والے دونوں سفر پر کارآمد ہوگا۔
ترجمان پی آئی اے کا مزید کہنا ہے کہ بحیثیت قومی ائیرلائن پی آئی اے ہمیشہ خصوصی موقعوں کو جوش و جذبے سے مناتی ہے ۔ خصوصی پیکج کا مقصد جشن ولادت خاتم النبین ﷺکی خوشیوں میں قوم کے ساتھ شامل ہونا ہے ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
