آج سے انسداد پولیو مہم کا آغاز


شبین رضاویب ایڈیٹر

26th October, 2020

سندھ بھر میں آج سے انسداد پولیو مہم کا آغاز ہو گیا ہے۔

تفصیلات کے مطابق سندھ کے تمام اضلاع علاوہ کراچی کے پولیو مہم شروع ہو گئی جوکہ  26 اکتوبر تا 2 نومبر تک جاری رہے گی ۔

ذرائع کے مطابق 2 نومبر تا 8 نومبر تک کراچی میں پولیو مہم کا آغاز ہوگا۔

انسداد پولیو مہم دو مرحلوں میں تقسیم کی گئی ہے۔

پہلے مرحلے میں لاڑکانہ، سکھر اور شہید بے نظیر آباد جبکہ دوسرے مرحلے میں کراچی، حیدرآباد اور میرپورخاص میں بچوں کو پولیو سے بچاو کے قطرے پلائے جائینگے۔

واضح رہے کہ کراچی میں 2.2 ملین بچوں کو انسداد پولیو کے قطرے پلائیں جائینگے۔

سندھ بھر میں 9 ملین بچوں کو پولیو سے بچاو کے قطرے پلانے کا ہدف ہے ۔  مہم کے دوران پانچ سال سے کم عمر بچوں کو پولیو سے بچاو کے قطرے پلائے جائینگے۔