صدر مملکت ڈاکٹر عارف علوی سے چیف آف نیول اسٹاف ایڈمرل محمد امجد خان نیازی کی ملاقات ہوئی ہے۔

تفصیلات کے مطابق صدر مملکت  سے ملاقات کے دوران صدر مملکت ڈاکٹر عارف علوی کی جانب سے نئے نیول چیف کو عہدہ سنبھالنے پر مبارکباد پیش کی گئی ہے۔

اس موقع پر صدر مملکت ڈاکٹر عارف علوی نے چیف آف نیول اسٹاف کیلئے نیک خواہشات کا بھی اظہار کیا ہے۔

اس دوران صدر مملکت کا کہنا تھا کہ پاکستان کی بحری حدود کے دفاع میں پاکستان نیوی کا کلیدی کردار ہے کیونکہ پاکستان نیوی گوادر پورٹ اور سی پیک کو سیکورٹی فراہم کر کے ملکی معاشی مفاد کے تحفظ میں اہم کردار ادا کررہی ہے۔

انہوں نے کہا کہ امید کرتا ہوں کہ پاکستان نیوی ایڈمرل امجد خان نیازی کی قیادت میں ملک کو درپیش سمندری چیلنجز پر کامیابی سے قابو پائے گی۔