وزیراعظم عمران خان نے کہا ہے کہ ملکی صنعت کے فروغ سے روزگار کے مواقع پیدا ہوں گے اور نوجوانوں کو فنی مہارت حاصل ہوسکے گی۔

تفصیلات کے مطابق وزیراعظم عمران خان کی صنعتکاروں کے وفد سے ملاقات ہوئی ہے جس میں وزیراعظم نے انڈسٹری اور یونیورسٹیوں کے درمیان ریسرچ و ٹریننگ کے حوالے سے روابط قائم کرنے پر زور دیا ہے۔

ملاقات کے دوران وزیراعظم کا کہنا تھا کہ حکومت کاروباری طبقے اور صنعتکاروں کو سہولیات مہیا کرنے کے لیے پرعزم ہے جبکہ کاروبار میں آسانیاں پیدا کرنے کے لیے ہر ممکن اقدامات لے رہی ہے۔

وزیر اعظم عمران خان کی صنعتکاروں کے وفد سے ملاقات۔ pic.twitter.com/LpCkGmJE2o

Advertisement

— Prime Minister's Office, Pakistan (@PakPMO) October 15, 2020

وزیراعظم نے مزید کہا کہ برآمدات سے زر مبادلہ حاصل ہوگا جو فلاح عامہ کے منصوبوں پر خرچ ہو سکیں گے۔

انہوں نے کہا ہے کہ جو ملک سرمایہ کار اور صنعت کار کو سہولیات مہیا کرتے ہیں، وہی ملک ترقی کرتے ہیں۔

یاد رہے کہ ملاقات کے دوران وفد نے برآمدات بڑھانے، ملکی صنعت کے فروغ اور ٹیکس نظام میں بہتری کے حوالے سے تجاویز پیش کیں گئی جبکہ وزیراعظم نے وفد کی طرف سے دی گئی تجاویز پر متعلقہ وزارتوں اور آیف بی آر کو ہدایات جاری کیں ہیں۔

دوسری جانب کاروباری وفد نے کویڈ وباء کے پیش نظر صنعتوں کو سہولیات فراہم کرنے پر وزیراعظم اور ان کی ٹیم کو خراج تحسین بھی پیش کیا ہے۔