بلاول بھٹو کا کورونا ٹیسٹ مثبت آگیا


شبین رضاویب ایڈیٹر

26th November, 2020
بلاول
Square ad 300 x 250

چیئرمین پاکستان پیپلزپارٹی بلاول بھٹو زرداری کا کورونا ٹیسٹ پازیٹو آگیا ہے۔

تفصیلات کے مطابق بلا ول بھٹو نے سماجی را بطے کی ویب سائٹ ٹوئٹر پر جاری اپنے پیغام میں کہا کہ مجھے کوروناکی ہلکی علامات ہیں،خود کوقرنطینہ کرلیا، گھر سے کام کرنا جاری رکھوں گا۔

چیئرمین پاکستان پیپلزپارٹی نے مزید کہا کہ ویڈیو لنک کے ذریعے پیپلز پارٹی کے یوم تاسیس سے خطاب کروں گا۔

بلاول بھٹونے اپنی ٹوئٹ میں عوام کو ماسک پہننے کی تلقین بھی کی۔

واضح رہےکہ بلاول بھٹو نے ایک روز قبل ہی خود کو قرنطینہ کرنے کا فیصلہ اپنے سیاسی مشیر جمیل سومرو کا کورونا ٹیسٹ مثبت آنے کے بعد کیا ۔

ترجمان پی پی کا کہنا ہے کہ بلاول بھٹو نے فوری طور پر اپنا کورونا ٹیسٹ کرایا ، جو کہ اب پازیٹو آگیا ہے۔