کراچی کے مسائل کا حل انتہائی ضروری ہے، وزیراعظم


عروبہ خانویب ایڈیٹر

26th November, 2020
PM chaired meeting on Karachi infra instructure package
Square ad 300 x 250

وزیراعظم عمران خان نے کہا ہے کہ کراچی کے مسائل کیا مستقل بنیادوں پر حل انتہائی ضروری ہے اس لئے انہوں نے جاری منصوبوں کی بروقت تکمیل پر زور دیا ہے۔

تفصیلات کے مطابق وزیر اعظم عمران خان کی صدارت میں کراچی ٹرانسفارمیشن پلان کے حوالے سے اعلیٰ سطح کا اجلاس ہوا ہے جس میں کراچی ٹرنسفارمیشن پیکج پر عملدرآمد سے متعلق وزیراعظم کو بریفنگ دی گئی ہے۔

وزیراعظم نے اجلاس میں کہا ہے کہ ہر سال مون سون کے دوران کراچی میں برساتی پانی سے ہونے والے نقصانات کا سبب نالوں پر غیر قانونی تعمیرات ہیں۔

انہوں نے کہا ہے کہ کراچی میں تجاوزات ہٹانے سے پہلے وہاں کے مستحق مکینوں کیلئے پیشگی متبادل انتظامات کو یقینی بنایا جائے۔

وزیر اعظم کی کراچی کو پانی فراہم کرنے کے کے فور منصوبے کی استعداد اور افادیت بڑھانے کے حوالے سے سفارشات مرتب کرنے کی ہدایت کی ہے جبکہ وزارتِ منصوبہ بندی کے تحت تکنیکی کمیٹی بنانے کی بھی ہدایات جاری کی ہیں۔

اجلاس میں بریفنگ کے دوران بتایا گیا ہے کہ کراچی ٹرانسفارمیشن پلان کے تحت 100 سے زائد منصوبوں کی منصوبہ بندی کی جا چکی ہیں تاہم 1.117 ٹریلین روپے کی لاگت سے منصوبے مکمل ہونگے۔