وزیراعظم عمران خان نے کہا ہے کہ اس وقت ملک میں بجلی کی کوئی کمی نہیں ہے لہذا نئے کنکشنز دینے میں تاخیر کا کوئی جواز نہیں بنتا ہے۔

تفصیلات کے مطابق وزیر اعظم عمران خان کی زیر صدارت قومی رابطہ کمیٹی برائے ہاؤسنگ، کنسٹرکشن و ڈویلپمنٹ کا اجلاس منعقد ہوا جس میں اسٹیٹ بینک آف پاکستان کے ساتھ نیا پاکستان ہاؤسنگ سکیم کیلئے طے پانے والے باہمی تعاون سے متعلق آگاہ کیا گیا ہے۔

وزیر اعظم عمران خان کی زیر صدارت قومی رابطہ کمیٹی برائے ہاؤسنگ، کنسٹرکشن و ڈویلپمنٹ کا ہفتہ وار اجلاس pic.twitter.com/YXmzKK0ZJr

— Prime Minister's Office, Pakistan (@PakPMO) November 26, 2020

دوران اجلاس وزیراعظم نے این. او. سیز اور منظوری کے طریقہ کار کو صارفین کیلئے سہل بنانے کی ہدایت کی ہے اس کے علاوہ وزارتِ توانائی کو نئے گرڈ سٹیشن بنانے کے حوالے سے سٹینڈرڈ طریقہ کار وضع کرنے کی ہدایت بھی کی ہے۔

انہوں نے کہا ہے کہ سکیم کے تحت اپنے گھر کے حصول کیلئے بنکوں سے آسان شرائط پر قرضے لینے والوں پر کسی قسم کا اضافی مالی بوجھ نہ ڈالا جائے کیونکہحکومت کا مقصد بے گھر لوگوں کیلئے اپنی چھت مہیا کرنا ہےلہذا اس بات کو یقینی بنائیں کہ ان کو آسانیاں اور سہولتیں مہیا ہو۔

وزیراعظم کا کہنا تھا کہ مختلف یوٹیلیٹی سروسز حاصل کرنے کیلئے منظوریاں لینے کے طویل مراحل کو آسان بنایا جائے کیونکہمروجہ طریقہ کار سے تعمیراتی شعبے کیلئے مشکلات پیدا ہو رہی ہیں۔

یاد رہے کہ اجلاس میں اجلاس میں عشرت حسین، گورنر سندھ عمران اسماعیل، ڈاکٹر شہباز گِل، سید ذوالفقار بخاری کے علاوہ متعلقہ وزارتوں کے اعلی سرکاری عہدیداران، چاروں صوبوں سے چیف سیکریٹریز اور اعلیٰ حکام وڈیو لنک کے ذریعے اجلاس میں شریک ہوئے۔