وفاقی وزیر برائے اطلاعات شبلی فراز نے کہا ہے کہ سی پیک کے دوسرے مرحلے کے تحت مختلف منصوبوں بلخصوص زراعت سے متعلق منتظر ہیں۔
تفصیلات کے مطابق وزیراطلاعات ونشریات سینیٹر شبلی فرازکی چین کے سفیر نونگ رونگ سے ملاقات ہوئی ہے جس میں سی پیک سے متعلق دیگر امور پر بھی گفتگو کی گئی ہے۔
دوران ملاقات فریقین میں پاکستان اور چین کامیڈیا اور ثقافت کے شعبوں میں تعاون بڑھانے پر زور دیا گیا ہے۔
انہوں نے کہا ہے کہ قافتی روابط کوفروغ دینے کیلئے فلم کے شعبے میں تعاون پر توجہ مرکوز کرنےکی ضرورت ہے۔
یاد رہے کہ اس سے قبل وزیر خسرو بختیار کی نئے تعینات چینی سفیر نونگ رونگ سے ملاقات ہوئی ہے جس میں پاک چین اقتصادی تعاون اور سی پیک پر تفصیلی تبادلہ خیال کیا گیا ہے۔
دوران ملاقات خسرو بختیار کا کہنا تھا کہ پاک چین کے مابین بزنس ٹو بزنس اور زرعی شعبے میں تعاون بڑھانے کے وسیع مواقع موجود ہیں۔
انہوں نے مزید کہا تھا کہ انسدادِ کورونا کیلئے چین کیطرف سے تعاون کیلئے تہے دل سے شکر گزار ہیں۔
علاوہ ازیں ملاقات میں چینی سفیر نونگ رونگ نے کہا ہے کہ پاک چین اقتصادی تعاون کو وسعت دینے کیلئے مل کر کام کریں گے۔
انہوں نے کہا کہ چین کی پاکستان میں بیرونی امداد پورٹ فولیو کو بڑھانے کے وسیع مواقع موجود ہیں اور اسی حوالے سے پاکستان کے ساتھ تعاون جاری رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News