حکومت کی جانب سے کراچی ٹرانسفارمیشن پلان تیار کرلیا گیا ہے۔
تفصیلات کے مطابق وفاقی حکومت نے کراچی ٹرانسفارمیشن پلان تیار کرتے ہوئے دستاویزات جاری کردیئے ہیں۔
جاری کردہ دستاویزات کے مطابق آئندہ تین سال میں 739 ارب روپے کے منصوبے شروع ہونگے تاہم منصوبوں کی فنڈنگ پی ایس ڈی پی، پبلک پرائیویٹ پارٹنرشپ اور سپریم کورٹ فنڈ سے پوری کی جائے گی۔
دستاویزات میں بتایا گیا ہے کہ کراچی ٹرانسفارمیشن پلان کے لیے این ڈی ایم اے 7 ارب روپے فراہم کرے گا۔
پلان پر عملدرآمد کا جائزہ لینے کے لیے رکن قومی اسمبلی نجیب ہارون کی صدارت میں سٹیرنگ کمیٹی بھی تشکیل دیدی گئی ہے، ممبر پلاننگ کے زیر صدارت مانیٹرنگ اینڈ ایویلی ایشن کمیٹٰی بھی تشکیل دینے کی تجویز ہے۔
گریٹر کراچی واٹر سپلائی پراجیکٹ اور بے گھر افراد کی آباد کاری پلان کا حصہ ہے جس میں گریٹر کراچی واٹر سپلائی پراجیکٹ کے لیے وفاق مالی وسائل فراہم کرے گا اور پلان کے تحت نیا پاکستان ہاؤسنگ اتھارٹی بے گھر افراد کے لیے فلیٹس تعمیر کرے گی۔
ٹرانسفارمینشن پلان کے تحت گرین لائن بس ریپڈ ٹرانزٹ سسٹم مکمل کیا جائے گا، کراچی سرکلر ریلوے اور ڈبل ریلوے لائن فریٹ کوریڈور منصوبہ وزارت ریلوے مکمل کرے گی۔
دستاویزات کے مطابق ندی نالوں کے کنارے تجاوزات کا خاتمہ صوبائی حکومت کی ذمہ داری ہوگی۔
یاد رہے کہ حکومت کی جانب سے پلان کے لیے عالمی مالیاتی اداروں سے بھی فنڈنگ لینے کی تجویز ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News