1971 کے پاک بھارت معرکہ کے ہیرو میجر محمد اکرم شہید کا 49واں یوم شہادت آج منایا جا رہا ہے۔

پاک فوج کے شعبہ تعلقات عامہ (آئی ایس پی آر) کے مطابق میجر محمد اکرم شہید نشان حیدرکے 49واں یوم شہادت کے موقع پرعظیم قربانی کو خراج عقیدت پیش کرنے کے لیئے جہلم میں شہید کی یادگار پر تقریب کا انعقاد کیا گیا۔

آرمی چیف جنرل قمر جاوید باجوہ کی جانب سے میجر اکرم شہید کی یادگار پر پھولوں کی چادر چڑھائی گئی۔

Tribute to Maj #Akram Shaheed, #NH, 4 his supreme sacrifice. Displaying valour against all odds, he heroically repulsed innumerable attacks by enemy inflicting heavy losses in battle of #Hilli. Such exemplary courage is hallmark of defenders of motherland.#OurMartyrsOurHeroes

Advertisement

— DG ISPR (@OfficialDGISPR) December 4, 2020

واضح رہےکہ سن 1971ء کی جنگ میں مشرقی پاکستان کے علاقے ہلی کے محاذ پر میجر محمد اکرم نے اپنی فرنٹیئر فورس کی کمانڈ میں مسلسل پانچ دن اور پانچ راتیں اپنے سے کئی گنا زیادہ بھارتی فوج کی پیش قدمی روک کر دشمن کے اوسان خطا کر دیئے۔

میجر محمد اکرم نے دشمن کے خلاف بہادری سے لڑتے ہوئے 5دسمبر 1971کو جام شہادت نوش کیا۔

میجر اکرم کو ” ہیرو آف ہلی “ کے نام سے شہرت ملی اور جرات و بہادری کی اعلیٰ مثال قائم کرنے پر شہید کو اعلیٰ ترین فوجی اعزاز نشان حیدر سے نوازا گیا۔