وزیر اعظم کا ٹمبر مافیا کے خلاف ایکشن، دیامر اور گلگت میں درختوں کی کٹائی کا نوٹس لے لیا۔
تفصیلات کے مطابق وزیراعظم عمران خان نے معاون خصوصی ملک امین اسلم کودرختوں کی کٹائی کی تحقیقات کا حکم دے دیا ہے۔
وزیراعظم نے گلگت فارسٹ میں ایف سی کے مسلح جوانوں کی 4 پلٹونیں تعینات کرنے کا فیصلہ
کرتے ہوئے حکام کو حکم دے دیا اور کہا کہ اس فیصلے پر فوری عمل درآمد ہوگا۔
وزیراعظم کا کہنا ہے کہ ایف سی کے مسلح جوان فاریسٹ گارڈز کے ساتھ مل کر جوان ٹمبر مافیا کے خلاف کارروائی کریں گے۔
انھوں نے ہدایت دی کہ ٹمبر مافیا کے خلاف قائم کی گئی ٹیموں کو 24 گھنٹے متحرک رکھا جائے ۔
ذرائع کے مطابق گلگت بلتستان میں ٹمبر مافیا کے خلاف سخت سزاوں پر مشتمل آرڈیننس کا نفاذ کر دیا گیا ہے۔
ملک امین اسلم کا اس سلسلے میں کہنا ہے کہ آرڈیننس کے ذریعے ایمنسٹی کلچر کا ہمیشہ کیلئے خاتمہ کر دیا گیا، درختوں کی غیر قانونی کٹائی میں ملوث عناصر کو سزائیں ملیں گی ۔
وزیراعظم کے سخت نو ٹس کے بعد ملک امین اسلم کا متعلقہ حکام کو فون،ذمہ دار افسران سے رپورٹ طلب کرلی ۔
واضح رہےکہ وزیر اعظم عمران خان کو دورہ گلگت بلتستان کے موقع پر درختوں کی کٹائی سے متعلق آگاہ کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News