این سی او سی کےمطابق ملک بھر میں عالمی وبا کورونا کی سب سے زیادہ شرح کراچی میں دیکھی گئی ہے۔

تفصیلات کے مطابق وفاقی وزیر اسدعمر کی زیر صدارت این سی او سی کا مارننگ سیشن اجلاس
اجلاس ہوا، جس میں کورونا وبا روکنے کے حوالے سے تفصیلی بریفنگدی گئی۔

نیشنل کمانڈ اینڈ آپریشن سینٹر (این سی او سی) کا کہنا ہے کہ پاکستان میں کورونا وائرس پازیٹو آنے کا تناسب 8.16 فیصد ہے جبکہ  سب سے زیادہ مثبت کیسز کا تناسب کراچی میں 20.12 فیصد رہا۔

این سی او سی کی جانب سے بریفنگ میں بتایا گیا کہ ملک بھر میں انتہائی تشویشناک مریضوں کی تعداد میں تیزی سے اضافہ ہو رہا ہے، ملک بھر میں کوروناوائرس سے متاثرہ شدید بیمار مریضوں کی تعداد 2469 تک پہنچ گئی ہیں۔

این سی او سی کے مطابق حیدرآباد میں کوروناوائرس کا تناسب 18.43 اور ایبٹ آباد میں14.53 فیصد دیکھا گیا ہے۔

اس کے علاوہ خیبرپختونخوا میں کورونا کی شرح 5.6، پنجاب 4.2، سندھ 14.1، لاہور 5.69، راولپنڈی 4.59، فیصل آباد 6.81 اور کوئٹہ میں 9.91 فیصد رہی۔

نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 499 نئے کیسز سامنے آئے، ملک میں مجموعی کرونا کیسز کی تعداد 4 لاکھ 6 ہزار 810 ہوچکی ہے۔

ملک میں کرونا وائرس کے فعال کیسز کی تعداد 51 ہزار 654 ہوگئی۔