معاون خصوصی اطلاعات پنجاب ڈاکٹر فردوس عاشق اعوان نے کہا ہے کہ صحافیوں سمیت بے گھر افراد کو سستی چھت کی فراہمی حکومت پنجاب کی اولین ترجیح ہے۔
تفصیلات کے مطابق معاون خصوصی اطلاعات پنجاب ڈاکٹر فردوس عاشق اعوان نے میڈیا سے گفتگو کرتے ہوئے کہا ہے کہ حکومت کی جانب سے میڈیا ورکرز کی آسانیوں کیلئے اقدامات اٹھائے جارہے ہیں۔
فردوس عاشق اعوان نے کہا ہے کہ پنجاب حکومت صحافتی برادری سے کئے جانے والے تمام وعدے پورے کریگی۔
انہوں نے کہا ہے کہ صحافیوں کے مسائل کا حل پنجاب حکومت کی ترجیحات میں شامل ہے۔
اپوزیشن پر تنقید کرتے ہوئے فردوس عاشق اعوان کا کہنا تھا کہ شاہی خاندان کی راجکماری اگر اپنی کنیزوں کو سامنے بیٹھا کر عام عورت کی بات کرتی ہیں تو میں دعویٰ کرتی ہوں کہ ان کو عام خاتون کے مسائل کا پتہ ہی نہیں ہے۔
ان کا کہنا تھا کہ اکھڑی ہوئی سانسوں والی اپوزیشن کو کہتی ہوں حکومت کو آپ کے جلسوں سے نہیں عوام کی جانوں کو خطرہ ہے آپ کے تو اہل خانہ کے بیانیے پر اتفاق نہیں ہے، پہلے گھر میں بیانایہ ایک کر لیں پھر ہم سیریس لے لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News