حکومت نے ملک بھر کی مساجد کے لیے کورونا ایس اوپیز کا ازسرنو جائزہ لینے کا فیصلہ کیا ہے۔
تفصیلات کے مطابق صدر مملکت ڈاکٹر عارف علوی نے چاروں صوبوں کے گورنروں اور علما کی ویڈیو کانفرنس آج طلب کرلی، مساجد کے لیے نئے ایس او پیز بھی تیار کیے جائیں گے۔
ویڈیو کانفرنس میں وفاقی وزیرداخلہ اور وفاقی وزیر مذہبی امور نور الحق قادری بھی شریک ہوں گے۔
ذرائع کے مطابق صدر آزادکشمیر اور گلگت بلتستان کے گورنر کی بھی نفرنس میں شرکت ممکن ہے۔
گورنر پنجاب لاہور سے 15علما کے ہمراہ کانفرنس میں شر یک ہوں گے، اس دوران عالمی وبا کورونا کو مدنظر رکھتے ہوئے نئی حکمت عملی طے کی جائے گی۔
گورنرپنجاب چوہدری محمد سرور کا کہنا ہے کہ علما سے مشاورت کے بعد ہی حکومت ایس اوپیز طے کرے گی، کورونا سے بچاؤ کے لیے حکومت علما کو ساتھ لے کر چلے گی۔
انہوں نے مزید کہا کہ تمام طبقات کو کورونا سے بچاؤ کے لیے اپنی ذمہ داری پوری کرنی چاہیے، پی ڈی ایم بھی جلسوں کی ضد چھوڑ دے اور عوام کو کورونا سے بچائے، شہری وبا کے خلاف احتیاطی تدابیر اپناتے رہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News