وزیر خارجہ شاہ محمود قریشی کا کہنا ہے کہ   پاکستان اور کویت کے مابین گہرے تاریخی برادرانہ تعلقات ہیں ۔

تفصیلات کے مطابق  پاکستان میں کویت کے سفیر نصر المطہری  نے وزیر خارجہ شاہ محمود قریشی سے ملاقات کی۔

دوران ملاقات دو طرفہ تعلقات ،پاکستان اور کویت کے مابین مختلف شعبہ جات میں دو طرفہ تعاون کے فروغ کے حوالے سے تبادلہ خیال کیا گیا۔

شاہ محمود قریشی نے کا کہ  پاکستان اور کویت کے مابین گہرے تاریخی برادرانہ تعلقات ہیں ۔

نائجر میں او آئی سی وزرائے خارجہ کونسل کے 47 ویں اجلاس کے موقع پر کویتی وزیر خارجہ کے ساتھ ہونے ولای ملاقات کا حوالہ دیتے ہوئے شاہ محمود قریشی نے کہا کہ مسئلہ کشمیر کے حوالے سے کویت کی جانب سے پاکستان کے موقف کی غیر متزلزل حمایت قابلِ تحسین ہے۔

انہوں نے کہا کہ پاکستان کویت کے ساتھ اپنے شاندار سیاسی روابط کو ایک مضبوط معاشی شراکت داری میں تبدیل کرنے کا متمنی ہے۔

وزیر خارجہ کا کہنا تھا کہ پاکستان اور کویت کے مابین زراعت، فوڈ سیکورٹی، انفراسٹرکچر ڈویلپمنٹ سمیت باہمی دلچسپی کے متعدد شعبوں میں دو طرفہ اقتصادی تعاون میں اضافے کے مواقع موجود ہیں  جس سے دونوں ممالک یکساں مستفید ہو سکتے ہیں ۔

پاکستان ميں کویت کے سفیر نصر المطہری نے  شرف ملاقات پر وزیر خارجہ شاہ محمود قریشی کا شکریہ ادا کیا۔