وزیرِ اعلیٰ پنجاب نے صوبے میں 3 نیشنل پارکس کی منظوری دے دی ہے۔

تفصیلات کے مطابق پنجاب کے وزیرِ اعلیٰ سردار عثمان بزدار کی معاونِ خصوصی برائے اطلاعات ڈاکٹر فردوس عاشق اعوان نے سماجی را بطے کی ویب سائٹ ٹوئٹر پر جاری اپنے بیان میں بتا یا کہ وزیرِ اعلیٰ پنجاب نے صوبے میں 3 نیشنل پارکس کی منظوری دے دی ہے۔

وزیراعلی پنجاب عثمان بزدار نے پنجاب میں 3نیشنل پارکس کی منظوری دیدی!

انہوں نے کہا ہے کہ کلر کہار، سالٹ رینج میں 13 ہزار 7 سو ایکڑ پر نیشنل پارک بنایا گیا ہے، 8 ہزار 740 ایکڑ پر محیط کھیڑی مورت نیشنل پارک بھی بنایا گیا ہے۔

فردوس عاشق اعوان نے بتایا ہے کہ 38 ہزار 874 ایکڑ پر پبی رسول نیشنل پارک بھی تعمیر کیا گیا ہے، یہ تینوں پارک ماحولیاتی آلودگی کم کرنے میں معاون ثابت ہوں گے۔

یہ پارکس ماحولیاتی آلودگی کم کرنے، نایاب جنگلی حیات کے تحفظ اور عوام کی تفریح کے علاوہ پنجاب میں ٹورازم کے فروغ میں معاون ثابت ہونگے۔
بزدار حکومت ماحولیاتی تحفظ اور عوامی دلچسپی کے کئی اور منصوبوں پر کام جاری رکھے ہوئے ہے۔

— Dr. Firdous Ashiq Awan (@Dr_FirdousPTI) December 4, 2020

انہوں نے مزید کہا کہ یہ پارک عوامی تفریح، سیاحت کے فروغ اورجنگلی حیات کیلئے معاون ثابت ہوں گے۔