ڈاکٹر فردوس عاشق اعوان نے کہا ہے کہ اب سیاسی گپ شپ کے لیے پیرول میں توسیع نہیں ملے گی۔
تفصیلات کے مطابق وزیر اعلیٰ پنجاب کی معاون خصوصی ڈاکٹر فردوس عاشق اعوان نے اپنے ایک بیان میں اپوزیشن لیڈر اور مسلم لیگ ن کے صدر شہباز شریف کے حوالے سے کہا ہے کہ وزیر اعلیٰ نے پہلے ہی انسانی ہم دردی کی بنیاد پر زیادہ پیرول دیا، اب سیاسی گپ شپ اور کاروباری امور کے لیے پیرول میں توسیع نہیں ملے گی۔
انھوں نے کہا اس سلسلے میں پنجاب حکومت کی پالیسی بہت واضح ہے، پیرول پر رہائی میں توسیع دینا حکومتی پالیسی میں نہیں ہے، شہباز شریف کو والدہ کی تدفین کے لیے ریلیف دیاگیا تھا، اب سیاسی گٹھ جوڑ کے لیے رہائی میں توسیع کی اجازت نہیں دی جا سکتی۔
واضح رہےکہ مسلم لیگی رہنما شہباز شریف اور ان کے صاحبزادے حمزہ شہباز نے پیرول پر رہائی کی مدت میں توسیع کے لئے درخواست جمع کرا ئی جو کہ مسترد ہو گئی ہے۔
پاکستان مسلم لیگ ن کے جنرل سیکرٹری عطا تارڈ کی جانب سے محکمہ داخلہ پنجاب کو رہائی میں توسیع کیلئے درخواست دی تھی۔
درخواست کے متن میں درج تھا کہ پورے ملک سے لوگ تعزیت کے لیے آرہے ہیں، دونوں رہنماؤں کی پیرول پررہائی میں توسیع کی جائے۔
ذرائع کے مطابق مسلم لیگ ن کے صدراور قومی اسمبلی میں اپوزیشن لیڈر شہباز شریف اورپنجاب اسمبلی میں اپوزیشن لیڈر حمزہ شہباز کی پیرول پر رہائی کی مدت کا آج آخری روز ہے۔
واضح رہےکہ مسلم لیگ ن کی جانب سے دونوں رہنماوں کو 14روز کے لئے پے رول پر رہا کرنے کی درخواست کی گئی تھی تاہم پنجاب کابینہ اور وزیراعلیٰ پنجاب کی جانب سے 5 روز کے لئے رہائی کی منظوری ملی۔
پنجاب حکومت نے پاکستان پریزن رولز 1978 کے سیکشن 545 بی کے تحت پے رول پر رہائی کی اجازت دی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News