وزیراعلیٰ پنجاب عثمان بزدار سے وزیر ریلویز اعظم خان سواتی نے ملاقات کی ہے۔
تفصیلات کے مطابق وزیراعلیٰ پنجاب عثمان بزدار سے وزیر ریلویز اعظم خان سواتی نے ملاقات کی ہے۔
ملاقات میں ریلویز کی اراضی پر قبضہ واگزار کرانے کے لیے مشترکہ لائحہ عمل اختیار کرنے کے امور پر گفتگو کی گئی۔ ریلویز کی زمینوں پر شجرکاری کے فروغ اور پبلک پرائیویٹ پارٹنرشپ کے تحت پراجیکٹس پر بھی تبادلہ خیال کیا گیا۔
سیکرٹری ریلویز اور متعلقہ حکام بھی اس موقع پر موجود تھے۔
وزیراعلیٰ عثمان بزدار نے صوبے میں ریلویز کی اراضی واگزار کرنے کے لیے ہرممکن تعاون اور شجرکاری اور پبلک پرائیویٹ پارٹنرشپ کے تحت منصوبوں کے حوالے سے بھی معاونت کی یقین دہانی کرائی۔
عثمان بزدار نے کہا کہ ریلویز حکام کے ساتھ مل کر اراضی واگزار کرانے کے لیے جامع پلان مرتب کیا جائے گا۔ ریلویز کو پنجاب پولیس کی پوری سپورٹ فراہم کریں گے۔
انہوں نے مزید کہا کہ ریلویز کی بنجر اراضی پر شجرکاری کے لیے بھی ہمارا تعاون آپ کے ساتھ ہوگا۔
وزیر اعلیٰ پنجاب نے کہا کہ وزیراعظم عمران خان کی قیادت میں پاکستان ترقی اور خوشحالی کے سفر پر چل پڑا ہے۔ تحریک انصاف نے ہمیشہ اقدار کی سیاست کو فروغ دیا ہے۔ الزام تراشی اور جھوٹ پرمبنی منفی سیاست کرنے والے عناصر کو عوام مسترد کر چکے ہیں۔
عثمان بزدار نے کہا کہ ملک احتجاج کے ذریعے نہیں بلکہ محنت، خدمت اور دیانت سے آگے بڑھتے ہیں۔ پاکستان کے عوام صرف ترقی اور خوشحالی چاہتے ہیں۔ کسی کو عوامی خدمت کے سفر میں رخنہ نہیں ڈالنے دیں گے۔
وزیر ریلویزنے کہا کہ آپ کی جانب سے تعاون کی یقین دہانی کا خیرمقدم کرتے ہیں۔ ریلویز کو جدید خطوط پر استوار کرنے کا عزم رکھتے ہیں۔ ریلویز کو منافع بخش بنانے کے لیے نئے بزنس ماڈل پر کام کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News