وزیر اعظم عمران خان کا کہنا ہے کہ پی ڈی ایم کو پر امن احتجاج کی اجازت ہے۔
تفصیلات کے مطابق وزیر اعظم عمران خان کی زیر صدارت ترجمانوں اور پارٹی رہنماؤں کا اجلاس ہوا۔
اجلاس میں براڈشیٹ کے معاملے پر طویل گفتگو کی گئی جس کے بعد معاملے کی تحقیقات کا فیصلہ کرلیا گیا۔
وزیراعظم نے براڈشیٹ معاملے پر وزرا کی کمیٹی قائم کردی۔ کمیٹی میں شہزاد اکبر، شبلی فراز، فواد چوہدری اور اسد عمر شامل ہیں۔
کمیٹی 2002 سے 2018 تک براڈشیٹ کے ساتھ معاہدے کا جائزہ لے گی۔ کس نے فاعدہ اٹھانے کی کوشش کی، تحقیقات ہوں گی۔
وزیراعظم نے براڈشیٹ سے فائدے کو این آر او سے تشبیہ دی۔
اجلاس میں الیکشن کمیشن فارن فنڈنگ، پی ڈی ایم احتجاج کے معاملے پر بھی گفتگو کی گئی۔
وزیر اعظم نے کہا کہ پی ڈی ایم کو پر امن احتجاج کی اجازت ہے لیکن قانون کو ہاتھ میں لیا تو قانون حرکت میں آئے گا۔
مذہبی جماعت کے دھرنے اور احتجاج کے معاملے پر علماء سے مشاورت کا فیصلہ کرتے ہوئے وزیر اعظم نے کہا کہ یہ حساس معاملہ ہے اس معاملے پر علما ءکو اعتماد میں لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News