وزیر خارجہ شاہ محمود قریشی نے کہا ہے کہ ی ڈی ایم کے غیر فطری اور مصنوعی اتحاد کی قلعی کھل چکی اور اب ان کا شیرازہ بہت جلد بکھرنے کو ہے۔

تفصیلات کے مطابق وزیر خارجہ مخدوم شاہ محمود قریشی کی اسلام آباد میں گورنر پنجاب چوہدری محمد سرور سے ملاقات ہوئی ہے۔

دوران ملاقات ملک کی مجموعی سیاسی صورتحال، کورونا عالمی وبائی چیلنج سمیت باہمی دلچسپی کے امور پر تبادلہ خیال کرتے ہوئے گورنر پنجاب  نے کورونا ویکسین کے حصول کیلئے وزیر خارجہ کی کاوشوں کو سراہا ہے۔

اس موقع پر وزیر خارجہ کا کہنا تھا کہ باشعور عوام نے پی ڈی ایم کے کھوکھلے نعروں اور جلسے جلوس کی احتجاجی سیاست کو یکسر مسترد کر دیا ہے۔

انہوں نے مزید کہا کہ کورونا وبا کے پھیلاؤ کو روکنے کیلئے ، وزیر اعظم عمران خان کی سمارٹ لاک ڈاؤن حکمت عملی کو عالمی سطح پر پذیرائی ملی ہے۔