سابق وزیراعظم پر فردِ جرم عائد کرنے کی تاریخ مقرر

شبین رضا

12th Jan, 2021. 01:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق وزیراعظم پر فردِ جرم عائد کرنے کی تاریخ مقرر

احتساب عدالت نے سابق وزیراعظم پر فردِ جرم عائد کرنے کی تاریخ مقرر کر دی ہے۔

تفصیلات کے مطابق احتساب عدالت نے سابق وزیرِ اعظم اور پاکستان پیپلز پارٹی (پی پی پی) کے رہنما یوسف رضا گیلانی و دیگر کے خلاف اشتہارات کے غیر قانونی ٹھیکوں کے ریفرنس میں فردِ جرم عائد کرنے کے لیے 3 فروری کی تاریخ مقرر کر دی۔

عدالت کی جانب سے ملزمان کی حاضری مکمل نہ ہونے کے باعث آج فردِ جرم کی کارروائی مؤخر کر دی گئی۔

احتساب عدالت نے قرار دیا کہ فردِ جرم کی کارروائی کے لیے فروری کی کوئی تاریخ رکھتے ہیں۔

ملزمان کے وکیل نے استدعا کی کہ فروری میں جو بھی تاریخ رکھیں بس 14 فروری نہ رکھیں، جس پر عدالت میں قہقہے بکھر گئے۔

عدالت نے یوسف رضا گیلانی و دیگر ملزمان پر فردِ جرم عائد کرنے کے لیے 3 فروری کی تاریخ مقرر کر دی۔

نیب نے عدالت سے مسلسل غیر حاضر ملزم فاروق اعوان کے وارنٹ جاری کرنے کی استدعا کر دی۔

عدالت نے کیس کے تفتیشی افسر کو آج ہی پیش ہونے کا حکم دیتے ہوئے کہا کہ تفتیشی افسر سے رپورٹ لے کر وارنٹس جاری کرنے کے حوالے سے فیصلہ کریں گے۔