بلوچستان حکومت نے کوئٹہ کراچی روٹ پر چلنے والی کوچز میں ٹریکر سسٹم نصب کرنے کا فیصلہ کرلیا۔
تفصیلات کے مطابق وزیراعلیٰ بلوچستان جام کمال خان کی زیر صدارت گرین بس پروجیکٹ پر پیشرفت سے متعلق اعلیٰ سطحی اجلاس ہوا۔
اجلاس میں حکومت بلوچستان کے گرین بس منصوبے اور کوئٹہ کراچی شاہراہ پر چلنے والی کوچز میں ٹریکنگ سسٹم کی تنصیب کا جائزہ لیا گیا۔
سیکرٹری ٹرانسپورٹ نے اجلاس کو بریفنگ میں بتایا کہ کوئٹہ کراچی روٹ پر چلنے والی 316 کوچز میں ٹریکر سسٹم نصب کیا جائے گا۔ ٹریکر ڈیوائس کی تنصیب سے اوور اسپیڈنگ کو کنٹرول او رکوچز کا ڈیٹا بھی حاصل ہوگا۔
انہوں نے مزید بتایا کہ گرین بس منصوبے کے ٹینڈر پراسیس کا عمل مکمل کر لیا گیا ہے۔ گرین بس منصوبے کے تحت کوئٹہ میں دو موزوں روٹس کا تعین کر لیا گیا ہے۔
سیکرٹری ٹرانسپورٹ نے بریفنگ میں مزید بتایا کہ پہلا روٹ سرینا چوک تا بلیلی چیک پوسٹ تک ہوگا۔ روٹ پر 11 بس اسٹاپ بنائے جائیں گے۔ پہلے مرحلے میں 8 بس سروس کا آغاز کیا جائے۔
وزیر اعلیٰ جام کمال نے حکام کو ہدایت کی کہ صوبے کے دیگر شہروں میں بھی گرین بس سروس کے آغاز کا جائزہ لیا جائے۔ عوامی ٹرانسپورٹ اگر معیاری ہوگی تو عوام اس میں سفر بھی کریں گے۔
انہوں نے مزید کہا کہ منصوبے کے آغاز سے فضائی آلودگی میں کمی اور مجموعی طور پر ٹریفک کے نظام پر بھی اس کے مثبت اثرات مرتب ہوں گے۔
وزیر اعلیٰ نے ہدایت کی کہ بسوں میں جی پی ایس سسٹم نصب کیا جائے اور شہریوں کی سہولت کے لیے گرین بس ایپ متعارف کرائی جائے۔ خواتین کے لیے پہلے مرحلے میں دو بسیں چلائی جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News