وفاقی وزیر اسد عمر کا کہنا ہے کہ سی پیک ،پاک چین معاشی تعاون کے حوالے سے اہم منصوبہ ہے۔
تفصیلات کے مطابق وفاقی وزیر اسد عمر کی زیر صدارت کابینہ کی کمیٹی برائے سی پیک کا اہم اجلاس ہوا۔
اجلاس میں سی پیک سے متعلق ورکنگ گروپس کے زیر اثر جاری اور مکمل شدہ منصوبوں پر غور کیا گیا۔
اجلاس کو صنعتی تعاون، انرجی، انفراسٹرکچر سے متعلق سی پیک منصوبوں پر بریفنگ دی گئی۔ گوادر، سائنس اینڈ ٹیکنالوجی، سماجی و معاشی ترقی، زراعت سے متعلق منصوبوں کا بھی جائزہ لیا گیا ۔
اجلاس میں ٹرانسپورٹ، کمیونیکیشن اور منصوبوں میں مسائل سے متعلق امور بھی زیر غور آئے۔
کابینہ کمیٹی کا کہنا تھا کہ مختلف منصوبوں میں اہم اہداف حاصل کرلیے ہیں۔
وفاقی وزیر اسد عمر نے کہا کہ سی پیک پاک چین معاشی تعاون کے حوالے سے اہم منصوبہ ہے۔ وزارتیں، ڈویژن منصوبوں کی بر وقت تکمیل کے لیے کام جاری رکھیں۔
اسد عمرنے مزید کہا کہ سی پیک کے دوسرے فیز میں صنعتی تعاون پر فوکس کیا جارہا ہے۔ دوسرے فیز سے دونوں ممالک کو فائدہ ہوگا۔
کمیٹی نے بین الوزارتی مسائل کو کابینہ کمیٹی برائے سی پیک کے سامنے رکھنے کی ہدایت کرتے ہوئے ان مسائل کے حل کے لیے تجاویز بھی طلب کرلیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News