پاکستان پیپلزپارٹی کے چیئرمین بلاول بھٹو زرداری نے کہا ہے کہ آج الیکشن کمیشن کے سامنے جمہوری قوتیں کھڑی ہیں تو موجودہ حکومت بھی آج فارن فنڈنگ کا جواب دے۔

بلاول بھٹو رزداری کا کہنا تھا کہ موجودہ حکومت فارن فنڈنگ کی وجہ سے حکومت میں ہے اور انہیں اب جواب دینا ہے کہ کون ان ممالک کے شہری ہیں جو عمران خان کو پیسہ دیتے رہے ہیں۔

انہوں نے کہا ہے کہ یہ صرف سلیٹڈ اور نااہل نہیں بلکہ فارن فنڈنگ بھی ہے جبکہ ہم پر کرپشن کے الزمات آج تک ثابت نہیں کرسکے اور نہ جواب دے سکے ہیں۔

انہوں نے مزید کہا ہے کہ اس نے دو سال میں عوام کا جینا دوبھر کردیا ہے اگر اس مہنگائی لی سونامی کو گھر نہیں بھیجیں گے تو اس کو کون روکے گا اور اب وقت آگیا ہے کہ اس غیر جمہوری حکومت کو ملکر گھر بھیجنا ہے۔

انہوں نے کہا کہ عوام نے سلیکٹڈ کو ریجکیٹڈ کردیا ہے اور اس کے ساتھ ساتھ جمہوری دشمن طاقت کو بھی جواب دے دیا ہے۔

یاد رہے کہ پاکستان پیپلزپارٹی کے چیئرمین بلاول بھٹو زرداری عمرکوٹ پہنچے ہیں۔

عمرکوٹ کے دورے کے دوران  وزیراعلی سندھ مراد علی شاہ ، صوبائی وزیر ناصر شاہ ، سردار شاہ اور قائم علی شاہ بھی بلاول بھٹو کے ہمراہ ہیں۔

چئیرمین پی پی پی نے علی مردان شاہ کی وفات پر نو منتخب رکن اسمبلی امیر علی شاہ سے تعزیت کی۔

ذرائع کے مطابق تعزیت کے بعد بلاول بھٹو جلسہ گاہ میں پہنچ گئے۔