پاکستان مسلم لیگ کی نائب صدر مریم نواز نے کہا ہے کہ موجودہ حکومت صاف شفاف الیکشن سے ڈرتی ہے۔
تفصیلات کے مطابق جاتی امرا کے باہر نائب صدر مسلم لیگ ن نے میڈیا سے گفتگو کرتے ہوئے کہا ہے کہ الیکشن کمیشن کے فیصلے کو روکنے کی کوشش کی گئی تاہم دھاندلی کے باوجود لوگ ڈسکہ کا الیکشن نہیں جیت سکے ہیں۔
مریم نواز کا کہنا تھا کہ ایک حلقہ کھلا تو پوری اصلیت سامنے آجائےگی کیونکہ پی ٹی آئی ارکان اب پی ٹی آئی کو ووٹ دینے کو تیار نہیں ہیں۔
ان کا کہنا تھا کہ ڈسکہ اور سینیٹ الیکشن کے بعد لانگ مارچ کی تیاری ہے اور یہ بھی ہوسکتا ہے کہ لانگ مارچ کی ضرورت نہ پڑے۔
انہوں نے کہا ہے کہ اپنے بھائی حمزہ کو لینے کوٹ لکھپت جیل جارہی ہوں، حمزہ شہبازشریف نے ناحق دو سال جیل کاٹی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News