بے نامی اکاؤنٹس کے بعد اب بے نامی گاڑیوں کا انکشاف ہوا ہے۔

تفصیلات کے مطابق فیڈرل بورڈ آف ریونیو ( ایف بی آر) نے بے نامی گاڑیوں کا ڈیٹا اکھٹا کرلیا۔

بے نامی زون کراچی نے 20 بے نامی گاڑیوں کے کیسز درج  کیے تھے۔ تحقیقات میں  ایک شخص کے نام پر 12 مہنگی گاڑیاں رجسٹرڈ ہونے کا انکشاف ہوا۔

بے نامی مہنگی گاڑیوں میں 2 مرسڈیز بینز ،2 پراڈو، 2 بی ایم ڈبلیو، ایک کیڈیلیک اور 5 کرولا شامل ہیں۔

بے نامی ایجوڈیکیٹنگ اتھارٹی نے بے نامی زون کراچی کے حق میں فیصلہ دے دیا۔

بے نامی گاڑیاں رکھنے والے افراد کے پاس 45 دن میں اپیل دائر کرنے کا موقع تھا لیکن  بے نامی گاڑیوں کے مالکان نے اس فیصلے کے خلاف اپیل نہیں کی۔

بے نامی زون نے گاڑیوں کی ضبطگی شروع  کرنے کی تیاری کرلی۔

بے نامی زون کراچی نے  گاڑیاں ضبط کرنے کے لیے نیشنل ہائی وے موٹر پولیس ، اینٹی کار لفٹنگ سیل اور پولیس سے مدد طلب کرلی۔

بے نامی 20 گاڑیوں کی قیمت 20 کروڑ روپے کے قریب ہے۔ بے نامی گاڑیوں کو ضبط کرنے کے بعد نیلامی کرکے ریونیو وصول کیا جائے گا۔